له ئێران 991 كهسى دیكه تووشى كۆرۆنا بوون
ئهمڕۆ دووشهممه 28/4/2020، د. کیانووش جەهانپوور، گوتەبێژی لێژنەی بەرەنگاربوونەوەی کۆرۆنا لە ئێران له پرێس كۆنفرانسێكدا باسى لهوه كرد، لە دوێنێ یهكشهممهوه تا ئەمڕۆ لە سەرانسەری ئێران 96 كهسى دیکە بەهۆی پهتای کۆرۆناوە گیانیان لەدەست داوە، كه كۆى گشتیی ئهو كهسانهى گیانیان لهدهست داوه، پێنج ههزار و 806 كهسه.
گوتەبێژی لێژنەی بەرەنگاربوونەوەی کۆرۆنا لە ئێران ئهوهشى خسته ڕوو، له دوێنێوه تا ئهمڕۆ، 991 كهسى دیكه تووشى كۆرۆنا بوون، كه كۆى گشتیی تووشبوانى پهتاكه له ئێران 91 ههزار و 472 کەسه.
بە گوتەی ئەو بەرپرسە ئێرانییە، تا ئێستا 70 ههزار و 933 کەس لە پهتاى کۆرۆنا چاک بوونەتەوە.
باسنيوز
