له‌ ویلایه‌ته‌ یه‌كگرتووه‌كانى ئه‌مریكا ژماره‌ى تووشبوانى په‌تاى كۆرۆنا به‌رز بووه‌وه‌، تا ئێستاش له‌و وڵاته‌ به‌هۆى په‌تاكه‌وه،‌ زیاتر له‌ 54 هه‌زار كه‌س گیانیان له‌ده‌ست داوه‌.

به‌پێى دوایین ئاماره‌كان تا ئێستا (یه‌كشه‌ممه‌ 26/4/2020)، كۆى گشتیی تووشبوانى په‌تاى كۆرۆنا له‌ ئه‌مریكا گه‌یشتووه‌ته‌ 960 هه‌زار و 896 كه‌س، ئه‌مه‌ش له‌كاتێكدایه‌، كاتژمێر 9 و 10 خوله‌كی به‌یانیی دوێنێ شه‌ممه‌، ژماره‌ى تووشبوانى كۆرۆنا له‌ ئه‌مریكا، 925 هه‌زار و 758 كه‌س بوو.

تا ئێستا له‌ ئه‌مریكا 54 هه‌زار و 263 كه‌س به‌هۆى كۆرۆناوه‌ گیانیان له‌ده‌ست داوه‌، 118 هه‌زار و 162 كه‌سیش چاك بوونه‌ته‌وه‌.






باسنيوز