ئەمڕۆ وەزیری دەرەوەی بریتانیا كە وەك جێگرەوەی سەرۆك وەزیران مامەڵە دەكات، درێژكردنەوەی قەدەغەی هاتوچۆ وەك هەنگاوێك بۆ بەرەنگاربونەوەی كۆرۆنا رادەگەیەنێت، رێكخراوی تەندروستی جیهانیش هۆشداریدا كە جیهان لەدوڕیانێكی گرنگدایە.

بەپێی هەواڵێكی ئیندیپێندنتی بریتانی، ئەمرۆ پێنجشەممە دۆمینیك راب وەزیری دەرەوەی بریتانیا درێژكردنەوەی قەدەغەی هاتوچۆ بۆماوەی سێ هەفتەی دیكە رادەگەیەنێت، ئەوەش دوای كۆبونەوەی كۆمیتەی حاڵەتە لەناكاوەكانی كوبرا، پارتی كرێكارانیش پشتیوانی درێژكردنەوەی ماوەی قەدەغەی هاتوچۆی كردوە، بەڵام بەپێویستی زانیوە ستراتیژی دەرچون لەقەیرانی كۆرۆنا و هەڵگرتنی قەدەغەی هاتوچۆش رابگەیەنرێت.

لای خۆشییەوە، رێكخراوی تەندروستی جیهانی رایگەیاند، هێشتا زۆر زوە بۆ راگەیاندنی هەڵگرتنی قەدەغەی هاتوچۆ.

رێكخراوەكە پێشبینی سەرهەڵدانی شەپۆلێكی دیكەی كۆرۆنا دەكات و هۆشداریشی داوە ئەو وڵاتانەی بەتەواوەتی دەستبەرداری رێكارە تەندروستییەكان دەبن خۆیان دەخەنە بەردەم مەترسییەكی گەورە.






خەندان