ویلایەتە یەکگرتووەکانی ئەمەریکا 10 ملیۆن دۆلار دەداتە هەر کەسێک زانیاری لەبارەی فەرماندەیەکی حزبوڵڵا بە ناوی شێخ محەمەد ئەلکەوسەرانی پێ بدات.

بەگوێرەی هەواڵێکی ئاژانسی رۆیتەرز، شێخ محەمەد فەرماندەیەکی حزبوڵڵایە لە عێراق و پێشتر لەگەڵ قاسم سولەیمانی کاری کردووە.

وەزارەتی دەرەوەی ئەمەریکا لەوبارەوە دەڵێت، کەوسەرانی دەستی بەسەر هەماهەنگی سیاسی گروپەکانی سەر بە ئێران لە عێراق گرتووە کە پێشتر لە لایەن قاسم سولەیمانی بەڕێوەدەبرا و لە لایەن سوپای ئەمەریکا لە مانگی یەک کوژرا.

لە ساڵی 2013، ئەو فەرماندەیەی حزبوڵڵا، لە لایەن ئەمەریکاوە، خرایە لیستی تیرۆرەوە و بەوە تۆمەتباری کرد، خەرجی گروپە چەکدارەکانی عێراق دابین دەکات و چەکداران لە عێراقەوە بۆ سووریا دەگوازێتەوە.













K24