تووشبوون بە کۆرۆنا لە جیهاندا نیو ملیۆن کەسی تێپەڕاند؛ ئەمریکا پێش ئیتاڵیا کەوت
تاوەکو ئێستا زۆرترین ژمارەی تووشبوون بە ڤایرۆسی کۆرۆنا و چاکبوونەوە لە چین تۆمارکراوە کە 81 هەزار و 285 تووشبووە، هاوکات 74 هەزار و 51 کەسیش چاکبوونەتەوە، لەو ژمارە تووشبووەش سێ هەزار و 287 کەس گیانیان لەدەستداوە.
بەپێی ئامارە نوێیەکان، ئێستا ئەمریکا لەڕووی زۆریی ژمارەی تووشبوون بە کۆرۆنا کەوتووەتە پێش ئیتاڵیا و 74 هەزار و 982 کەس تووشی کۆرۆنا بوون، لەو ژمارەیەش هەزار و 78 کەس گیانیان لەدەستداوە و تەنیا هەزار و 850 کەس چاکبوونەتەوە.
لە ئیتاڵیا ژمارەی تووشبووان بە کۆرۆنا 74 هەزار و 386 کەسە، لەو ژمارەیەش حەوت هەزار و 503 کەس گیانیان لەدەستداوە و نۆ هەزار و 362 کەسیش چاکبوونەتەوە.
ئیسپانیا و ئەڵمانیا لەدوای ئیتاڵیاوە لە پلەکانی چوارەم و پێنجەم دێن، لە ئیسپانیا 56 هەزار و 197 کەس تووشی کۆرۆنا بوون و چوار هەزار و 145 کەس گیانیان لەدەستداوە، لە ئەڵمانیاش 41 هەزار و 519 کەس تووشبوون و تەنیا 239 کەس گیانیان لەدەستداوە، هاوکات ژمارەی چاکبوونەوە لە ئیسپانیا حەوت هەزار و 15 کەس و لە ئەڵمانیا پێنج هەزار و 673 کەسە.
لە ئێرانیش تاوەکو ئێستا 29 هەزار و 406 کەس تووشی کۆرۆنا بوون، دوو هەزار و 234 کەس گیانیان لەدەستداوە و 10 هەزار و 457 کەس چاکبوونەتەوە. لە فەرەنساش 25 هەزار و 233 کەس تووشبوون، هەزار و 331 کەس گیانیان لەدەستداوە و سێ هەزار و 900 کەسیش چاکبوونەتەوە.
رووداو
