له ئێران ژمارهى تووشبوانى ڤایرۆسى كۆرۆنا گهیشته 29 ههزار و 406 كهس
ئهمڕۆ پێنجشهممه 26/3/2020، د. کیانووش جەهانپوور، گوتەبێژی لێژنەی بەرەنگاربوونەوەی کۆرۆنا لە ئێران له پرێس كۆنفرانسێكدا باسى لهوه كرد، لە دوێنێ چوارشهممهوه تا ئەمڕۆ لە سەرانسەری ئێران 157 كهسى دیکە بەهۆی ڤایرۆسی کۆرۆناوە گیانیان لەدەست داوە، كه كۆى گشتیی ئهو كهسانهى گیانیان لهدهست داوه، دوو ههزار و 234 كهسه.
گوتەبێژی لێژنەی بەرەنگاربوونەوەی کۆرۆنا لە ئێران ئهوهشى خسته ڕوو، له دوێنێوه تا ئهمڕۆ، دوو ههزار و 389 كهسى دیكه تووشى ڤایرۆسى كۆرۆنا بوون، كه كۆى گشتیی تووشبوانى ڤایرۆسهكه له ئێران 29 ههزار و 406 کەسه.
بە گوتەی ئەو بەرپرسە ئێرانییە، تا ئێستا 10 ههزار و 457 کەس لە ڤایرۆسی کۆرۆنا چاک بوونەتەوە.
هاوکات بەپێی ئامارەکان و ژمارەی تووشبوو و ئەوانەی گیانیان لەدەست داوە پاریزگاکانی تاران، قوم، گیلان، ئهسفههان، ئهلبورز و مازندهران، لەو شهش پارێزگایەن کە زۆرترینن کەس تێیاندا تووشی ڤایرۆسی کۆرۆنا بوون.
باسنيوز
