ەپێی خشتەی ئەمڕۆ یەکشەممە 22-3-2020ـی چاودێریکردنی ڤایرۆسی کۆرۆنا، ژمارەی تووشبووان بەو ڤایرۆسە لە چین گەیشتووەتە 81 هەزار و 54 کەس.

هەروەک لە خشتەکەدا دەردەکەوێ، 311 هەزار و 209 کەس لە سەرانسەری جیهان تووشی ئەو ڤایرۆسە بوون و لەو ژمارەیەش، 230 هەزار و 155 کەس لە وڵاتانی دیکەی جیهان جگە لە چین، تووشی ئەو ڤایرۆسە بوون.

بەپێی خشتەی ئەمڕۆ، ژمارەی مردووان لە چین گەیشتووەتە سێ هەزار و 261 کەس و لە وڵاتانی دیکەی جیهانیش گەیشتووەتە نۆ هەزار و 816 کەس کەس.

زۆرترین ژمارەی مردووان لە وڵاتانی ئیتاڵیا (چوار هەزار و 825 کەس)، ئێران (هەزار و 556 کەس)، ئیسپانیا (هەزار و 381 کەس)، فەرەنسا (562 کەس)، لە ئەمریکا (348 کەس), بەریتانیا (233 کەس)، هۆڵەندا ( 137 کەس) و لە کۆیای باشووریش (105 کەس)ـە.

هەر بەپێی خشتەکە، لە چین 72 هەزار و 245 تووشبووی ڤایرۆسەکە چاک بوونەتەوە و لە وڵاتانی جیهانیش 23 هەزار و 548 کەس چاک بوونەتەوە.

لە کۆتایی ساڵی رابردووەوە، ڤایرۆسی کۆرۆنا، کە لە مرۆڤێکەوە بۆ مرۆڤێکی دیکە دەگوازرێتەوە و تا ئێستا لە چەند وڵاتێک دۆزراوەتەوە، لە شاری وهان سەری هەڵدا.

ئاماری راستەوخۆی چاودێریکردنی ڤایرۆسی کۆرۆنا








باسنيوز