حکوومەتی شانشینی هاشمیی ئوردن بۆ رێگرتن لە بڵاوبوونەوەی ڤایرۆسی کۆرۆنا، لە تەواوی وڵات قەدەغەی هاتوچۆی راگەیاند.

شا عەبدوڵڵای دووەم، شای ئوردن مەرسوومێکی شاهانەی دەرکردووە و دەسەڵاتی تەواوی داوەتە حکوومەت بۆ دانی هەموو هەوڵێک بۆ رێگرتن لە بڵاو بوونەوەی ڤایرۆسی کۆرۆنا.

حکوومەتی ئوردن بڕیاری داوە لە کاتژمێر 7ـی سەرلەبەیانیی ئەمڕۆ شەممە 21-3-2020ـەوە تا کاتێکی نادیار، هاتوچۆ لە تەواوی وڵات قەدەغە بکات.

سوپای ئوردن بۆ جێبەجێکردنی بڕیاری قەدەغەکردنی هاتوچۆ رژاوەتە ناو شەقام وم کۆڵانەکانی وڵاتەکەی و عممانی پایتەخت بە تەواوی لە هەموو شارەکانی دیکە جیاکراوەتەوە.

بەپێی دوایین ئامار، تا ئێستا 85 کەس لە ئوردن تووشی ڤایرۆسی کۆرۆنا بوون و لەو ژمارەیەشدا، یەک کەس چاک بووەتەوە.









باسنيوز