ئێران داوا لە ئەمەریكا دەكات گەمارۆكانی سەر وڵاتەكەی ھەڵبگرێت و تۆمەتباریشی دەكات بەوەی پرسی كۆرۆنای بە سیاسی كردووە.

مەجید تەخت رەوانچی، نوێنەری ھەمیشەیی ئێران لە نەتەوەیەكگرتووەكان رایگەیاند "ئەمەریكا پرسی ڤایرۆسی كۆرۆنای بە سیاسی كردووە و پێویستە واشنتن واز لە سیاسەتە ھەڵەكانی بەرانبەر بە پرسە ھەستیارە جیھانییەكان بھێنێت".

داواش لە كۆمەڵگای نێودەوڵەتی دەكات، گەمارۆكانی سەر ئێران ھەڵبگیرێت و دەشڵێت "گەمارۆكانی ئەمەریكا زاڵمانەیە و رێگرە لە بەردەم بەرەوپێشچوونی وڵاتەكەی لە رووبەڕووبوونەوەی كۆرۆنا".

ئەمە لە كاتێكدایە دوێنێش جەواد زەریف، وەزیری دەرەوەی ئێران داوای ھەڵگرتنی گەمارۆكانی ئەمەریكای لەسەر وڵاتەكەی كرد.



K24