ئەمڕۆ دوشەممە دۆناڵد ترەمپ، سەرۆکی ویلایەتە یەکگرتوەکانی ئەمریکا بە سەردانێکی فەرمی گەیشتە ئاری ئەحمەد ئاباد لە رۆژئاوای هیندستان، لەو سەردانەدا هەردولا هەوڵدەدەن پەیوەندییە بازرگانییەکانی نێوانیان باشتر بکەن.

بەرپرسانی هیندستان ئەم سەردانەی ئەمڕۆ دوشەممە دۆناڵد ترەمپ بۆ وڵاتەکەیان کە ماوەی 17 کاتژمێری خایەند، بە نیشانەی لێکنزیکبونەوەی بەرڤەوەندییەکانی نێوانیان ناوبرد لەڕوی سیاسی و ئەمنی و ئابورییەوە.

ناریندەران مودی، سەرۆک وەزیرانی هیندستان بە ییاوەری هێزە ئاسمانیییەکان لە قڕۆکەخانە ئامادەبون بۆ پێشوازی لە ترەمپ و میلانیای هاوژینی.


لە ئەحمەد ئاباد سەدان هەزار كەس گردببنەوە بۆ پێشوزایكردن لە ترەمپ و میلانیا-ی هاوژینی، کە کڵاوی سپی نیشانەی ئاشتیان لەسەرکردبو.

ئەوەش لەكاتێكدایە وادەی هەڵبژاردنی سەرۆكایەتی ویلایەتە یەكگرتوەكانی ئەمریكا نزیكدەبێتەوە و ئاژانسەكان ئاماژە بەوەدەكەن، دۆناڵد ترەمپ ئەو هەنگاوەی مودی بەرزدەنرخێنێت بۆ كۆكردنەوەی ژمارەیەكی زۆر لە خەڵك پێشوازی لێبكەن.


خەندان-