شاندێکی رووسی بۆ کۆبوونەوە لەگەڵ بەرپرسانی تورکیا لەبارەی بارودۆخی شاری ئیدلیب لە باکووری رۆژئاوای سووریا، سەردانی ئەنقەرە دەکات

بڕیارە دوای نیوەڕۆی ئەمڕۆ دووشەممە 10-2-2020، شاندی هەردوو وڵات لە ئەنقەرە کۆ ببنەوە.

شاندی تورکیا بە سەرۆکایەتیی سادات ئۆناڵی یاریدەدەری وەزیری دەرەوە و بە ئامادەبوونی بەرپرسانی وەزارەتی دەرەوە، بەرگریی و دەزگای هەواڵگری، لەگەڵ سێرگی فێرشینین، جێگری وەزیری دەرەوەی رووسیا و ئەلێکسەر لاڤرەنتیڤ، ێردەی تایبەتیی سەرۆکی رووسیا بۆ کاروباری سووریا، کۆ دەبێتەوە.

لەو کۆبوونەوەیەدا، شاندی تورکیا و رووسیا تاوتوێی دوایین پەرەسەندنەکانی ئیدلیب دەکەن.




باسنیوزو