سەرۆکی ئیدارەی بەرەنگاربوونەوەی تیرۆر لە نەتەوە یەکگرتووەکان رایدەگەیەنێت، کە 27 هەزار تیرۆریست لە هەردوو وڵاتی سووریا و عێراقدا هەن.

ڤلادیمێر فۆرۆنکۆڤ، سەرۆکی ئیدارەی بەرەنگاربوونەوەی تیرۆر لە نەتەوە یەکگرتووەکان بە ئاژانسی (سپۆتنیک)ی رووسی راگەیاندووە، پێویستە هەمووان ئامادە و هۆشیاربن بۆ رووبەڕووبوونەوەی تیرۆر.

ڤلادیمێر فۆرۆنکۆڤ ئاماژەی بە هەوڵەکانی رێکخراوی تیرۆریستی داعش بۆ سەرهەڵدانەوە کردووە و رایگەیاندووە، شانە نووستووەکانی داعش هەوڵی داڕشتنی ستراتیژیەتێکی نوێ دەدەن لە ناوچە پڕ لە کێشەکان.

سەرۆکی ئیدارەی بەرەنگاربوونەوەی تیرۆر لە نەتەوە یەکگرتووەکان پێی وایە ئێستا 20- 27 هەزار چەکداری تیرۆریست، لەژێر ناوی چەندین گرووپی جیاوازەوە، لە عێراق و سووریا هەن.











باسنيوز