ماڵپەڕی (میهر)ی سەر بە حکوومەتی ئێران لەزاری حوسێن تائیب، سەرۆکی دەزگای هەواڵگریی سوپای پاسدارانەوە بڵاوی کردووەتەوە، پاش بەدواداچوون و چاودێریی وردی بەشی ئیتلاعاتی سوپای پاسداران، هەوڵێک پووچەڵکراوەتەوە کە بۆ تیرۆرکردنی لیوا قاسم سلێمانی دراوە.

ئەوەش ئاشکرا کراوە کە لەم هەوڵەدا سێ کەس دەستگیر کراون.

حوسێن تائیب وڵاتانی عەرەبی و ئیسرائیلی بەم هەوڵە تۆمەتبار کردووە و بانگەشەی ئەوەی کردووە کە لە کاتی بۆنەکانی عاشوورا لە پارێزگای کرمان و لە نزیک حوسێنییەی باوکی، هەوڵی تیرۆرکردنەکە دراوە.

ڕوونیشی کردووەتەوە کە ئەوانەی لەپشت هەوڵەکەوە بوون، لەنزیک حوسێنییەی باوکی قاسم سولەیمانی، موڵکێکیان کڕیوە و بەنیازبوون لە ڕێگەیەوە پلانەکەیان جێبەجێ بکەن، بەڵام هەوڵەکەیان پووچەڵ کراوەتەوە.

قاسم سولەیمانی یەکێکە لە دیارترین فەرماندە سەربازییەکانی سوپای پاسدارانی ئێران و فەرماندەی سوپای قودسە کە لە وڵاتانی عێراق، یەمەن و سووریا سیاسەتی ئێران لە دژی دوژمنەکانیان جێبەجێ دەکات.











باسنيوز