وه‌زیری ناوخۆی توركیا په‌نجه‌ی تۆمه‌ت بۆ ئه‌مه‌ریكا درێژ ده‌كات و دووپاتیی ده‌كاته‌وه‌، ماوه‌یه‌كی درێژه‌ ئه‌مریكا یارمه‌تی په‌كه‌كه‌ و یه‌په‌گه‌ ده‌كات.

سولێمان سۆیلو، وه‌زیری ناوخۆی توركیا ده‌شلێت: ماوه‌ی 40 ساڵه‌ ئه‌مریكا چه‌ك به‌ په‌كه‌كه‌ ده‌دات و په‌روه‌رده‌ی ده‌كات.

له‌ باره‌ی دۆخی سووریاشه‌وه‌، سۆیلو گووتی: ئه‌مریكا كار له‌گه‌ڵ یه‌په‌گه‌ ده‌كات.

له‌ لایه‌كی دیكه‌وه‌ خلوسی ئاكار، وه‌زیری به‌رگری توركیاش رایده‌گه‌یه‌نێت: هێزه‌كانیان به‌ شێوه‌یه‌كی هه‌میشه‌یی له‌ باكووری سووریا جێگیر ده‌كه‌ن.

خلوسی ئاكار گوتیشی: رێككه‌وتنی ناوچه‌ی ئارام له‌گه‌ڵ ئه‌مریكا به‌ سستی به‌ڕێوه‌ده‌چێت و دووپاتیكرده‌وه‌، ئه‌گه‌ر ئه‌مریكا رێككه‌وتنه‌كه‌ی جێبه‌جێ نه‌كات، ئه‌وان پلانی خۆیان جێبه‌جێ ده‌كه‌ن.