ئەمڕۆ چوارشەممە بۆ یەكەم جار لە مێژووی وڵاتەكەدا، حکوومەتی بەریتانیا وەزیری بەرەنگاربوونەوەی خۆکوشتنی دامەزراند.


لەمبارەیەوە تێرێزا مای سەرۆک وەزیرانی بەریتانیا رایگەیاند کە لەسەر میلاکی وەزارەتی تەندروستیی بەریتانیا، جاکی دۆیل پرایسیان بەپلەی وەزیر و بەرپرسی بەرەنگاربوونەوەی خۆکوشتن لە وڵاتەكەدا دەستنیشان کردووە.


تەنها لە ماوەی ساڵی رابردوودا لە وڵاتی بەریتانیا، 5 هەزار و 821 کەس خۆیان کوشتووە، لەم رێژەیەشدا بەشی زۆریان ئافرەتان بوون.


لەمبارەیەوە حکوومەتی بەریتانیا لە چوارچێوەی بەرنامەی بەرەنگاربوونەوەی خۆکوشتندا رایگەیاندووە كە بڕی یەک ملیۆن و 800 هەزار پاوەندیان بۆ بەرگرتن لە خۆكوشتن تەرخان کردووە.


جاکی دۆیل پرایس دەبێتە یەكەم وەزیر لە جیهاندا كە بۆ ئەم ئەركە دامەزرابێت.

bas news-