لە گردبوونەوەیەکدا کەلە ناڕەزایی بە "گەندەڵیی ئابووری" لە شاری قۆم ڕێک خرابوو، کۆمەڵێکی بەرچاو لە مەلا و تەڵەبەی قوتابخانە ئایینییەکانی قۆم، لەدژی ڕۆحانی و کابینەکەی دورشمیان داوە.



بەپێی ڕاپۆرتی ماڵپەڕی (تەسنیم) ئەوگردبوونەوە ناڕەزاییە لەژێر ناوی "دادپەروەریی ئابووری" لە قوتابخانەی فەیزیەی قۆم بەڕێوە چوو کە تێیدا کۆمەڵێکی بەرچاو لە مەلا و تەڵەبە دینییەکان ئامادە بوون و وێڕای دانی دروشم لەدژی دەوڵەت دۆخی ئابووریی ئێران، چەندین دروشمیان لەدژی حەسەن ڕۆحانی سەرکۆماری ئێران گوتەوە و دروشمەکان دەربڕی دژایەتی لەگەڵ بۆرکەی دانوستان لەگەڵ ئەمریکا بووە.



لە چەند دروشمی دیکە نووسراوە ئەوانەی کە لەگەڵ ئەمریکا و کۆمەڵگەی نیودەوڵەتی دانوستانی ئەتۆمییان کردووە، دەبێ بگەڕێنەوە ژێر فەرمانی خامنەیی و لە دروشمێکی دیکەدا هەڕەشە لە ڕۆحانی دەکات کە ئەگەر بێدەنگ نەبێت، چارەنووسی وەک هاشمی ڕەفسەنجانی چاوەڕوانی دەکات.



زۆربەی مەلا و تەڵەبەکانی ناوەندە دینییەکانی قۆم و مەشهەد لایەنگری باڵای توندڕەو و عەلی خامنەیی و لایەنگری سوپای پاسدارانن.



باسنیوز