ڕاپۆرت و گرتە ڤیدیۆ بڵاوکراوەکان لە تۆڕە کۆمەڵایەتییەکان، دەربڕی ئەوەن کە لە شیراز، گەوهەردەشتی کەرەج و ئیسفەهان، دوێنێ سێشەممە هەتا درەنگانی شەو بەهۆی دۆخی شپرزەی ئابووری و بێکاری خۆپیشاندان و ناڕەزایی ڕووی داوە.



وێنە و گرتە ڤیدیۆکان پیشان دەدەن کە دوێنێ لە ئیسفەهان خۆپیشاندانێکی فراوان ڕووی داوە و هاوکات لە گەوهەردەشتی کەرەج هەتا ئێوارەی دوێنێ سێشەممە 2018/7/31 خۆپیشاندان و ناڕەزایی بەردەوام بووە و هێزە ئەمنییەکان و پۆلیسی دژە شۆڕش لە هەوڵی بڵاوەپێکردنی خۆپشاندەراندا بوون.



خەڵکی ناڕازی و خۆپیشاندەر لە گەوهەردەشتی کەرەج پێکەوە دروشمی "گەرانی و هەڵاوسان، بەڵای گیانی خەڵکی ئێران". کە هێزە ئەمنییەکان بۆ بڵاوەپێکردنی خۆپیشاندەران گازی فرمێسکڕێژیان بەکار هێناوە.



هەندێ سەرچاوەش باس لە خۆپیشاندان لە شاری شیراز دەکەن، کە هەتا ئێستا زانیاری و وردەکاری لمبارەوە بڵاو نەکراوەتەوە.



خۆپیشاندانی خەڵکی لە ئیسفەهان زۆر فراوان بووە، بووە، بەڵام توندوتیژیی لێ نەکەوتووەتەوە و خەڵکی دروشمیان داوە "واز لە سووریا بێنن، بیر لە ژیانی ئێمە بکەنەوە، نە غەزە لە لوبنان گیانم بە قوربانی ئێران".



زانیاریی تۆڕە کۆمەڵایەتییەکان باس لەوە دەکەن، هەر ئەمڕۆ چوارشەممە 2018/8/1 لە ئیسفەهان خۆپیشاندانی خەڵکی ناڕازی بە گرانی، بێکاری و دۆخی شپرزی ئابووری، دەستی پێکردووەتەوە و خەڵکی داوا لە هێزە ئەمنییەکان دەکەن کە پاڵپشت و هاودەنگیان بن.



شەپۆلی نوێی خۆپیشاندان و ناڕەزاییەکان لە ئێران، پاش بەرزبوونەوەی نرخی دۆلار و دراوە بیانییەکانی دیکە لە بەرانبەر تمەن، هەروەها گرانبوونی بەهای زێڕ لە بازارەکانی ئەو وڵاتە، دەستی پێکردووەتەوە.



بڕیارە سبەینێ پێنجشەممە لە زۆربەی پارێزگا و شارەکانی ئێران خۆپیشاندان و ناڕەزایی فراوانی جەماوەری بەڕێوە بچێت.



باسنيوز