ئاژانسى هه‌واڵیی ڕۆه‌یته‌رز بڵاوی كرده‌وه‌، كه‌ پۆلیسی ئه‌سیوپیا ڕای گه‌یاندووه‌، به‌ڕێوه‌به‌رى پرۆژه‌ى به‌نداوی نه‌هزه‌ له‌ ناو ئۆتۆمبێله‌كه‌ى خۆیدا به‌ كوژراوی دۆزرایه‌وه‌.

زینۆ جه‌مال، فه‌رمانده‌ى پۆلیسی ئه‌سیوپیا، ڕای گه‌یاند: "سیمجنیۆ بیكلى، به‌ڕێوه‌به‌رى پرۆژه‌ى به‌نداوى نه‌هزه‌، به‌ فیشه‌ك كوژرا و پۆلیس ده‌ستى به‌لێكۆڵینه‌وه‌كردن كردووه‌".

به‌نداوى نه‌هزه‌ ده‌كه‌وێته‌ سه‌ر ڕوبارى نیل و به‌هۆى پشكى ئاوه‌وه‌، كێشه‌ی دیپلۆماسى له‌نێوان میسڕ و سوودان و ئه‌سیوپیا دروست كردووه‌.

له‌وباره‌یه‌وه‌، مۆلۆجیتا زۆدی، باڵیۆزی ئه‌سیوپیا له‌ سوودان، له‌ مانگى ڕابردوو ڕای گه‌یاند: "ئه‌سیوپیا گوێ به‌ ڕێككه‌وتنى ساڵى 1959ى نێوان میسڕ و سوودان له‌باره‌ى پشكى ئاو له‌ ڕووبارى نیل نادات، چونكه‌ جێی قه‌بووڵكردن نییه‌، میسڕ 55 ملیار مه‌تر ئاو و سوودان 18 ملیار مه‌تر ببات و ئه‌سیوپیا كه‌ سه‌رچاوه‌ى ئاوه‌كه‌یه‌، سفرى به‌ربكه‌وێت".










باسنيوز