دادگای باڵای پاکستان سزای 10 ساڵ بەندکردن بەسەر سەرۆک وەزیرانی پێشووی وڵاتەکەیدا سەپاند.



رۆژی هەینی 6/7/2018، دادگای باڵای پاکستان ئەو سزایەی بەشێوەی نائامادەبوو (غیابی) بەسەر نەواز شەریف، سەرۆکی پارتی رابیتەی ئیسلامیی پاکستان و سەرۆک وەزیرانی پێشووی وڵاتەکەیدا سەپاند.



شەهباز شەریف، برای نەوز شەریف لە لێدوانێکدا لە شاری لاهوور بە رۆژنامەنووانی راگەیاندووە، ”ئەو بڕیارەی دادگا ستەمە لە نەواز شەریف دەکرێت و لە مێژوودا بە خاڵێکی رەش دەنووسرێتەوە“.



بەپێی زانیارییەکان، جگە لە بەندکردنی نەوز شەریف بۆ ماوەی 10 ساڵ، دادگا سزای حەوت ساڵ بەندکردنیشی بەسەر مەریەمی کچی نەواز شەریفدا سەپاندووە و محەمەد سافداری هاوسەری مەریەمیش بە ساڵێک بەندکردن، سزا دراوە.



نەواز شەریف، کە ئێستا لە بەریتانیایە و گومان دەکرێ چیتر نەگەڕێتەوە وڵاتەکەی، لەساڵی 1949 لە لاهوور لەدایک بووە و سێ جار پۆستی سەرۆک وەزیرانی وڵاتەکەی وەرگرتووە؛



- لە ساڵی 1990 - 1993

- لە ساڵی 1997 - 1999

- لە ساڵی 2013 - 2017




باسنیوز