سەرچاوەیەکی فەرمیی چین رایگەیاند: بەرپرسێکی سەربازیی پلەباڵای چینی لەم هەفتەیەدا بە مەبەستی پشتگیریکردن لە حکوومەتی بەشار ئەسەد سەردانی سووریای کردووە.

ئاژانسی هەواڵی "شین هووا"ی سەر بە حکوومەتی چین رایگەیاند: ئەفسەری دەریاوان "گۆئان یوفی" رۆژی یەکشەممەی رابردوو چاوی بە فەهد جاسم ئەلفەریج وەزیری بەرگریی سووریا کەوتووە.

ئەم بەرپرسە سەربازییەی چین، رۆژی دووشەممەش لەگەڵ ژەنەڕاڵێکی رووسی کۆبووەتەوە کە بەرپرسی رێکخستنی یارمەتیدانی سوریایە.

هاوکات گۆڤاری گلۆبال تایمیزی سەر بە حکوومەتی پەکین لە زمان وەزیری بەرگریی ئەم وڵاتەوە نووسیویەتی: چین بەمەبەستیی یارمەتیدانی سەربازیی سووریا لەگەڵ ئەم وڵاتە رێککەوتووە.