باڵیۆزی ئەفغانستان له‌ پاکسـتان دەڵێت، لە ناوچەیەکی ڕۆژهەڵاتی ئەفغانسـتان بە هێرشی فڕۆکەیەکی بێفڕۆکەوانی ئەمەریکا ڕێبەری داعش لە ئەفغانسـتان و پاکسـتان کوژراوە.

ئەمڕۆ هەینی عومەر زاخیلوال رایگه‌یاند، دەتوانم پشـتڕاستی بکەمەوە لە 26 ی مانگی حەوت لە ناوچەی کۆت لە پارێزگای نانگەرهار "حافز سەعید خان" ڕێبەری داعشی خوراسان لەگەڵ ژمارەیەک فەرماندەی باڵای و چەند چەکدارێـکی دیكه‌ کوژراون.

به‌رپرسانی وەزارەتی بەرگری ئەمەریکا هەواڵەکەیان پشـتڕاست کرده‌وە.

حافز سەعید خان پـێشـتر ئەندامێـکی تاڵیبانی پاکسـتان بوو، بەڵام دواتر بەیعەتی بۆ ئەبو بەکر ئەلبەغدادی ڕێبەری داعش ڕاگەیاند.







ZNA