هێلیكۆپته‌رێكی سه‌ربه‌ سوپای سووریا بازاڕی گه‌ڕه‌كی فیرده‌وسی له‌ شاری حه‌له‌ب به‌ سێ بۆمبی به‌رمیلی بۆردومان كرد و له‌ ئه‌نجامدا 25 كه‌س كوژران 150ی دیكه‌ش برینداربوون.

به‌پێی به‌رپرسانی به‌رگری شارستانی ناوچه‌كه‌ ، هێلیكۆپته‌رێكی سه‌ربه‌ سوپای سووریا سێ بۆمبی به‌رمیلی به‌سه‌ر بازاڕی گه‌ڕه‌كی فیرده‌وسدا هه‌ڵداوه‌ته‌ خواره‌وه‌ كه‌ شوێنیكی قه‌ره‌باڵغه‌ و له‌ژێر ده‌سه‌ڵاتی هێزه‌كانی ئۆپۆزسیۆندایه‌.

به‌گوێره‌ی ئاماره‌كانی به‌رایی، لانیكه‌م 25 كه‌س له‌و بۆردومانه‌دا كوژراون كه‌ ژن و منداڵیشیان له‌نێودایه‌، 150ی دیكه‌ش برینداربوون. هاوكات تیمه‌كانی به‌رگری شارستانی به‌رده‌وامن له‌ رزگاركردن و ده‌رهێنانی ئه‌و كه‌سانه‌ی كه‌وتونه‌ته‌ ژێر داروپه‌ردووی رووخاوی بیناكانه‌وه‌. به‌هۆی ئه‌گه‌ری دووباره‌بوونه‌وه‌ی هێرشی دووه‌م رێگه‌ نادرێت كه‌سانی مه‌ده‌نی بچنه‌ ناوچه‌كه‌وه‌.