تۆنى ئه‌بوت سه‌رۆك وه‌زیرانى ئۆسترالیا هۆشدارى به‌ هاووڵاتیانى خۆیدا ؛له‌ روودانى هێرشێكى ترى تیرۆریستى. تۆنى ئه‌بوت دواى به‌شدارى كردنى له‌ لێژنه‌ى نه‌ته‌وه‌یى ئۆسترالیا ؛ راگه‌یاند: كه‌ ده‌زگاكانى هه‌واڵگرى وڵاته‌كه‌یان ئاگاداریان كردوونه‌وته‌وه‌ ؛ دوابه‌دواى ئه‌و رووداوه‌ى هه‌فته‌یه‌ك له‌مه‌وبه‌ر كه‌ له‌ شارى سیدنى روویدا؛ په‌یوه‌ندى خه‌ڵك له‌ گه‌ڵ رێكخراوه‌ تیرۆریستییه‌كان رووى له‌ به‌رز بوونه‌وه‌ كردووه‌ و هاووڵاتیانى له‌ روودانى هێرشێكى ترى تبیرۆیستى ئاگادار كرده‌وه‌.

شایه‌نى باسه‌ هه‌فته‌یه‌ك له‌ مه‌وبه‌ر پیاوێكى به‌ ره‌گه‌ز ئێرانى به‌ ناوى هارون مونس هێرشى كرده‌ سه‌ر قاوه‌خانه‌یه‌ك له‌ شارى سیدنى و ژماره‌یه‌ك خه‌ڵكى به‌ دیل گرت ؛ كه‌ هێزه‌كانى پۆلیس به‌رپه‌رچیان دایه‌وه‌ و دواى شازده‌ كاتژمێر شه‌ڕو پێكدادان له‌ نێوانیاندا له‌ ئاكامدا؛ كه‌سى هێرشبه‌رو دوو دیل كوژران.