ماوه‌ى زیاتر له‌ چوار مانگه‌ خۆپیشاندان له‌ وڵاتى سوریا به‌رده‌وامه‌ و خۆپیشاندانه‌كانیش ناوچه‌ كوردنشینه‌كانى گرته‌وه‌ و رِۆژى رِابردوش خۆپیشاندان له‌شارى قامیشلو ده‌ستى پێكرد.

رِۆژى هه‌ینى، سه‌دان هاوڵاتى كوردى شارى قامیشلو رِژانه‌ سه‌ر شه‌قامه‌كان و داوای پێدانى مافه‌كانیان ده‌كرد وه‌ك نه‌ته‌وه‌ى كورد و داوایان له‌ حكومه‌ت كرد كه‌ ده‌ستبه‌رداری سیاسیه‌تى په‌راوێزخستنى كورد بهێنێت.

خۆپیشانده‌ران داواشیان له‌ حكومه‌تى سوریا كرد چاكسازى ئه‌نجام بدات و گۆرِانكارى له‌ سیسته‌مى وڵاتدا بكات.
له‌به‌رامبه‌ردا هێزه‌ ئه‌منیه‌كانى سوریا به‌ گازمى فرمێسك رِێژ و ئاو رِوبه‌رِوى خۆپیشانده‌ران بونه‌وه‌ و به‌و هۆیه‌وه‌ ژماره‌ خۆپیشانده‌ر برینداربون.

له‌لایه‌كى دیكه‌وه‌ ژماره‌یه‌كى زۆر هاوڵاتیانى سوری له‌ ناوچه‌ جیاكاندا رِژانه‌ سه‌رشه‌قامه‌كان و به‌هۆى رِوبه‌رِوبونه‌وه‌یان له‌لایه‌ن هێزه‌ ئه‌منیه‌كانه‌وه‌ 11 خۆپیشانده‌ر كوژران.