سه‌رۆك وه‌زیرانى توركیا رِه‌خنه‌ له‌ رِاگه‌یاندنى ئۆتۆنۆمى ده‌گرێت له‌لایه‌ن كوردانى توركیاوه‌ و به‌ڵێنیش ده‌داته‌ تۆڵه‌ى كوژرانى 13 سه‌ربازی توركیا بكاته‌وه‌.

ئه‌مرِۆ شه‌ممه‌ \"رِه‌جه‌ب ته‌یب ئه‌ردۆگان\"" سه‌رۆك وه‌زیرانى توركیا له‌ كۆنفرانسێكى رِۆژنامه‌وانیدا رِایگه‌یاند: توركیا خاوه‌نى هێزێكى مه‌زنه‌ و تۆڵه‌ى كوشتنى ئه‌و 13 سه‌ربازه‌ ده‌كاته‌وه‌.

له‌چه‌ند رِۆژى رابردودا پارتى كرێكارانى كوردستان 13 سه‌ربازى توركی كوشت.

ئه‌ردۆگان، وتیشی: لایه‌نه‌ كوردیه‌كان به‌بێ حكومه‌ت و په‌رله‌مانى توركیا ناتوانن ئۆتۆنۆمى رِابگه‌ێنن، و مافی ئه‌وه‌شیان نییه‌ تاك لایه‌نانه‌ ئۆتۆنۆمى رِابگه‌ێنن.

شایانى باسه‌ له‌چه‌ند رِۆژى داهاتو كه‌جه‌ده‌ تاك لایه‌نانه‌ ئۆتۆنۆمى بۆ كورد رِاگه‌یاند و ئه‌مه‌ش له‌لایه‌ن ده‌سه‌ڵاتداران و ژماره‌یه‌كى زۆر له‌ لایه‌ن توركیه‌كان نارِه‌زایی لێكه‌وته‌وه‌."