Piştî belavbûna hin nûçeyan di derbarê vê yekê de ku, qaşo partiya demokrata Kurdistanê daxwaz ji aliyên opoziyonê kiriye daku, dema hilbijartina Serokatiya Kurdistanê paşde bixin anjî ev deme han dirêj bikin, evro Peyvdarê mekteb siyasiya partiya demokrata Kurdistanê ragihand ku, partiya me heta niha ti daxwazeke bi vê rengî pêşkêşî ti kes û aliyekî nekiriye.

Peyvdarê mekteb siyasiya Kurdistanê ev yek eşkere kiriye ku, di civîna Hefteya derbasbûyî ya navbera PDK û YNKê de bi tenê behsa çawetiya berbijar kirina Serokatiya Kurdistanê hatiye kirin ev yek jî meseleyeke qanûniye ne meseleyeke siyasî.

Çavkanî eşkere kir ku, di vê derbarê de kêşeyeke biçûk a qanûnî heye û ew jî ewe ku, gelo her du devreyên Serokatiya Kurdistanê weke du devreyan tên hesbandin anjî bi tenê devreya rasterast ya hilbijartinên Serokatî ji aliyê xelk ve tê hesbandin, jiber ku, di devreya yekem de ji aliyê Parlementoyê ve hatiye hilbijartin û ev yek jî nayê hesbandin.

Lê di devreya dudiyan de Serokê Kurdistanê ji aliyê xelk ve hatiye hilbijartin û bi vê rengî jî ev yek devreye ku, Serok Barzanî Serokê Kurdistanê ye.