Nûrî Malikî serokwezîrê Iraqê biryar daye, ku muhletê bide wezîrên Kurd ên di kabîneya hikûmeta Iraqê de û postên wan jî bi wekalet bihên birêvebirin, di hember de jî wezîrê Bazirganîya Iraqê dibêje, ku asayî ye heger wezîrê bo maweya heyvekê amade nebe ,serokwezîr kesekê li şûnê dabinê.


Duh şêwirmendê ragihandina serokwezîêr Iraqê ji Someriye Niyoz re ragihandiye, ku Nûrî Malikî biryar daye ku muhletê bide weîrên Kurd û postên wan jî bi wekalet ji alîyê wezîrên din ve bihên birêvebirin.


Dr. Xeyrullah Babekir Hesen wezîrê bazirganîya Iraqê ku Kurde, di bêjedanekê de ji PNA re ragiahnd:´´ mafekê asayî û sirûştîyê serokwezîre ku heger hejmarek wezîrê bo maweya heyvekê (di kombûna kabîneyê de) amade nebin, muhletê bide wan, lê pêywîst bû lez nekiriba û li şûna ku ewî akrî bike, lez di çareserkirina arîşeyan de kiriba.´´

Xeyrullah Hesen herwisa got:´´ mafê Nûrî Malikî ye ku çend kesan li şûna me dabinê, da ku karûbaran birêve bibin, heta dema ku arîşe dihêne çareserkirin.´´

Hesen tekez jî kir, ku heta niha Kurd name ji bo lîsta Hevpeymanîya Niştîmanî neşandiye, lê biryar wiha ye kombûnek bi evê mebestê bihê sazkirin.