Serokê grûpa hevpeymaniya nîştimanî ya li Parlementoya Îraqê Dr. Fuad Mesûm duhê ragihand ku, li ser meseleya mayîn anjî nemana Wezîr û Nunerên Kurd yên li Bexdayê de biryara herî dawî vê ji aliyê Serokê Kurdistanê birêz Mesûd Barzanî ve were dayîn.

Mesûm eşkere kir ku, bi mebesta nirxandina rewşa dawî û herwiha yek dengî û yek xistina helwesta part û aliyên siyasî yên Kurd, hewldanên berfire di holê dene û çendîn civîn û komcivîn di vê derbarê de hatine sazkirin û vê di rojên pêşiya me de werin sazkirin.

Çavkanî eşkere kir ku, encama wan civînên han vê ji Serokê Kurdistanê birêz Mesûd Barzanî re were pêşkêşkirin û Serokê Kurdistanê jî tevî part û aliyên siyasî vê biryara dawî li ser vê meseleyê bide.

Mesûm di dawiya axaftinên xwe de behsa vê yekê jî kir ku, vê di Hefteya pêşiya me de Serokê Kurdistanê bi part û aliyên siyasî yên Kurd ên li Bexdayê re bo yek alî kirina vê meseleyê bicive.