Îro serê sibê berbangî li bajarê Reqayê ku hevsînorê Rojavayê Kurdistanê ye, li taxa El-Beduyê ku piraniya akinciyên wê taxê Kurdên Kobaniyê ne, 2 keçkên Kurd ku xwîşkên hevdu ne, ji aliyê komeke nenas ve hatin revandin.

Her weha navê herdu keçikan, Neceh Yunis Remezan û Semîra Yunis Remezan, tomarkirina nifûsa wan li ser bajarê Kobaniyê ye û hejmara qeydê, Qebaciq 13 ye.

Malbata herdu keçikan bang li hemû alî û kesên bi wîjdan dikin ku her kes ji xwe ve lêgerîn û lêkolînê li ser rewş û çarenivçsa herdu keçkên Kurd bikin taku agahî li ser cihê wan bê bi destxistin.

Hêjayî gotinê ye ku bûyerên revandina ciwanên Kurd keç û kur li bajarên Erebî û yên Rojavayê Kurdistanê gelek zêde dibin û metirsiyê li ser aramiya jiyan ciwanan çêdike.

PUKmedia