Di çarçoweya berdewamiya xwepîşandanên xelkê Îraqê yên li dijî Hikûmeta Nûrî Malikî de, evro jî piştî nivêja Înê li piraniya Bajar û Bajarokên Îraqê de welatî li dijî siyaset û Hikûmeta Serokwezîrê Îraqê Nûrî Malikî daketin qadan û daxwaza dev ji kar berdana Nûrî Malikî kirin.

Her evro li Paytexta Îraqê Bexdayê de jî hêzên ewlekarî bi mebesta pêşî girtin ji saz kirina xwepîşandanan dest bi tedbîrên tund yên ewlekarî kirin û di serê sibê de dest bi girtina derdora mizgeftin Bexdayê kirin û piştî bidawî hatina nivêja Înê jî zext li welatiyan kirin daku, bilez ji cîha xwe dûr bikevin.