Piştî malên Kurdan li bajarê Serêkaniyê yê rojavayê Kurdistanê ji aliyê komên çekdar ve hatin dagîr kirin û ji malên xwe hatin derkirin, ew kom hemû alavên nav malan didizîn û talan dikin.

Mihyedîn Îso yek ji wan welatiyane ku mala wî hatiye talan kirin, ji Rûdawê re ragihand: "Berî mehekê komên çekdar mala min dagîr kirin, malbata min naçar bûn koçber bibin û berê xwe bidin Herêma Kurdistanê. Niha komên çekdar tev alavên nav malê dizîn, ji xwe re birin û dê di bazaran de ji xwe re bifroşin.”

Mihyedîn Îso yê rojnamevan ji destpêka şoreşa Sûriyê ve di meydanên Şam û Serêkaniyê de li dijî rejîma Esed beşdarî xwepêşandana dibû. Navbirî tekez kir ku tevî wan çeteyan mala wî talan kirin û taxên bajarê wî bombebaran dikin, lê ew her li dijî rejîma Beşar Esedin. Îso got: "Şebîheyên duh xwe kirine şoreşger û êrîşî gelê Kurd dikin, tû cûdahiyeke wan li gel Esed nîne.”

Ev heftiyeke komên çekdar taxên bajarê Serêkaniyê bi tank û topan bombebaran dikin û tev hêzên çekdar yên Rojavayê Kurdistanê li dijî wan koman şer dikin.

Rudaw