Evro Serokê Parlementoya Kurdistanê Dr. Erselan Bayîz pêşwaziya Serokwezîrê Hikûmeta Kurdistanê birêz Nêçîrvan Barzanî kir û di civîneke de ku, Cîgirê Serokê Parlementoyê û Wezîrê Hikûmet yê ji bo karûbarên Parlementoyê jî tê de beşdarbûn bi awayekî berfire behsa çawetiya bihêztir kirina peyvendî û têkeliyên navbera Hikûmet û Parlementoya Kurdistanê hate kirin.

Her di vê civîna han de biryar hate dayîn daku, Serokê Hikûmetê û Serokê Parlementoya bi awayekî Mehane civînên xwe yên hevbeş saz bikin û bo vê yekê jî dibe bernameya wan civînan ji aliyê Sekreterê parlementoyê û wezîrê Hikûmetê bo karûbarên Parlementoyê ve were amadekirin.

Di beşeke din ya vê civîna han de behsa hemahengî û hevkariya komîte û komisyonên Hikûmet û Parlementoyê jî hate kirin û Serokwezîrê Hikûmeta Kurdistanê jî amadebûna Hikûmetê bo pêşkêş kirina her cure hevkariyekî diyar kir.

Di beşeke din ya vê civîna han de behsa giftûgoyên heyî yên li ser proje bûdceya Hikûmeta Kurdistanê jî hate kirin û Serokê Parlementoyê jî diyar kir ku, di roja Çarşem ya vê Hefteyê de Parlemen dest bi giftûgoyên xwe yên li ser projeya han dike.