Dosyayên destnedanê yên aydî Parlamenterên BDP, CHP û AKP’ê ne û hejmara wan 10 e, ji Serokatiya Meclisa Tirkiyê re hatin şandin.

Fezlekeyên der barê Hevserokê Giştî yê BDP’ê û Parlamenterê Colemêrgê Selahattîn Demîrtaş û 6 parlamenteran de, ji bo destnedana wan bê rakirin, ji Komîsyona Makezagon û Edaletê ya Têkel re hatin şandin. Ji bilî Demîrtaş, der barê Cîgirê Serokê Koma BDP’ê û Parlamenterê Çewlikê Îdris Baluken, Parlamenterê BDP’ê yê Rihayê Îbrahîm Bînîcî, Parlamentera BDP’ê ya Êlihe Ayla Akat Ata, Alîkarê Seroke Giştî yê CHP’ê û Parlamenterê Stenbolê Umut Oran, Parlamenterê CHP’ê yê Erdexanê Ensar Ogut, Parlamenterê AKP’ê yê Qersê Yunus Kilinç de jî dosya hene. Di nav van dosyayan de 3 dosyayên aydî Parlamenterê BDP’ê yê Wanê Ozdal Uçer hene.

Bi tevî van dosyayan, hejmara dosyayên destnedanê yên li Meclisê, gihîşt 892'yan.

Rudaw