Bi behaneya karê qaçaxcîtiyê, rêjîma Îslamî a Îranê ciwanekî kasibkar yê Kurd li bajarê gundekî bajarê Serdeşt a Rojhelata Kurdistanê gulebaran kir ku di encam de wê kesî canê xwe ji dest daye.

Li gor nûçeyek ajansa Firatê, beriya du rojan leşkerên rêjîma Îranêli gundê Dermanawa a bajarê Serdeşt a Rojhelata Kurdistanê bi behaneya encamdana karê qaçaxcîtiyê kasibarekî Kurd bi navê Simko Reyhanî yê temenê 20 salî bi guleyan kuşt ku Simko beriya salekê zewiciye û bi karê kasibariyê debara jiyana xwe dikir.

Heman çavkaniyê aşkere kiriye ku bavê Simko jî beriya du sala di bin aşûtê de maye û di encam de canên xwe ji dest daye.

Hêjayî gotinê ye ku, rêjîma Îslam a Îranê salane li ser sînorê Turkiye - Îran û Îran - Herêma Kurdistanê bi heman behaneyê bi guleyan dikuje.

Xendan