Cîgirê Parêzgarê Parêzgeha Selahedînê Dr. Emîn Ezîz di daxuyaniyekî de ji Kurdistantvê re ragihand ku, şevêdin ji Bajarê Samera û Bajarokê Uzime hijmareke zêde hêzên Leşkerî ji aliyê Hikûmeta Îraqê ve berbi Kerkûkê ve hatine birêkirin.

Hevdem çavkaniyeke din ya îstîxbaratî li Bexdayê de ji Kurdistantvê re eşkere kir ku, hêzên ser bi firqeya nû ya lîwaya 36 a Artêşa Îraqê berbi Bajarê Kerkûkê ve birê ketiye û ev hêza han ji 50 tank, 35 zirepûş û zêdetir ji 300 maşînên din yê Leşkerî pêk hatiye.

Çavkaniya han eşkere kir ku, bi rêya nivîseke nihênî jî hêzên firqeya 4 li parêzgeha Selahedîn û firqeya 12 ya Artêşa Îraqê jî hatine hayedarkirin daku, hevkariya wan hêzan bikin daku, bikaribin bi asanî derbasî Bajarê Kerkûkê bibin.