‘Çekên me ji yên hêza Dîcle pir pêşketîtirin’
Fermandarê lîwaya 1 a bejahî ya Kekerkûkê ya hêzên pêşmergeyên Kurdistanê yên li Kerkûkê hatine bi cih kirin, fermandar Şêrko Fatih Şiwanî ji Rûdawê re got: “Hêza pêşmergeyan sedî 100 di nava amadekariyan de ye û bi heman rihê pêşmergeyên berê ji bo her rûbirûbûnekê amadene.”
Serokê kombûna Erebî li parêzgeha Kerkûkê Mihemed Xelîl Cibûrî dûr dibîne ku şer û pevçûn di navbera hêzên pêşmerge û artêşa Iraqê de çêbibe. Cibûrî got: “Daxwaza birayên me yên pêşmerge ya ji bo şer nîne û daxwaza şer jî nakin. Belkî demekî dirêj li çiyan şer kirine û niha jî sîstemekî demokratîk dixwazin. Ger carekî din vegerin nava şer, tê wê wateyê ku me ti tiştek nekiriye.”
Li gor peymanek berê di navbera Bexda-Herêma Kurdistanê ligel Amerîkiyan de, Kerkûk ji bo sê beşên ewlekariyê hatibû parvekirin. Yekemîn, başurê Kerkûkê girêdayî firqeya 12 bû. Duyemîn, nava bajêr jî hezên polîs, asayîş û hêzên ewlekariyê yên din. Sêyemîn, parastina bakurê Kerkûkê jî li ser milê lîwaya 1 a bejahî ya hêzên pêşmergeyên Kurdistanê bû.
Fermandar Şêrko derbarê çekên hêzên pêşmergeyan ên li navçeyê de got: “Çekên hêzên pêşmergeyên Kurdistanê gelek ji çekên hêza Dîcle pêşketîtir in.”
Fermandarê pêşmergeyan Şêrko Fatih Şiwanî got: “Em gelê Kurdistanê piştrast dikin ku ti hêzêk nikare ber bi pêş ve bê û ger li ser laşê me de jî bên.”
Rudaw
