Li gorî amarên Tora Medyayî ya Rûdawê, ji destpêka şerê di navbera Amerîka, Îsraîl û Îranê de ku 28ê Sibatê dest pê kir, 940 caran bi dron û mûşekan êrişî Herêma Kurdistanê hatiye kirin.

Di encama êrişan de 32 kesan canê xwe ji dest da û 154 kes jî birîndar bûn.

Di nava vê mehê de bi giştî 67 caran bi dron û mûşekan êrişî Herêma Kurdistanê hatiye kirin.

Hûrgiliyên êrişên vê mehê wiha ne:

·         Hewlêr: 48 dron û 2 mûşek.

·         Silêmanî: 10 mûşek û 6 dron.

·         Helebce: Tiştekî nenas ketiye ku nayê zanîn dron e yan mûşek e.

Meha borî 13 dron û 2 mûşekan êrişî Herêma Kurdistanê hatibû kirin.

Ji wan 9 dron û 2 mûşek li Hewlêrê, 2 dron li Silêmaniyê û 2 dron jî li navçeya Akrê ya parêzgeha Dihokê ketine.

Ji destpêka şer ve hejmara êrişan li gorî parêzgehan wiha ye:

·         Hewlêr: 645 êriş

·         Silêmanî: 261 êriş

·         Dihok: 31 êriş

·         Helebce: 3 êriş

Zererên canî yên êrişan

Di encama êrişan de 32 kesan canê xwe ji dest da:

·         7 Pêşmergeyên Fermandariya Herêma 1ê ya li navçeya Xelîfanê ya parêzgeha Hewlêrê.

·         Karmendekî asayîşê yê Balafirgeha Navneteweyî ya Hewlêrê.

·         Jinek û mêrek li mala xwe şehîd ketin.

·         19 Pêşmergeyên 5 partiyên Rojhilatê Kurdistanê.

·         Kurê Pêşmergeyekî Rojhilatê Kurdistanê.

·         Leşkerekî Fransiz û leşkerekî Amerîkayî.

Hejmara birîndaran

Li gorî amaran 154 kes birîndar bûne ku hinek ji wan wiha ne:

·         29 Pêşmergeyên Fermandariya Herêma 1ê ya li Soranê

·         3 karmendên asayîşê yên li balafirgehê

·         3 Pêşmerge

·         2 parêzvanên baregeha berê ya Neteweyên Yekbûyî ya li Silêmaniyê

·         Parêzvanekî Otela Tîtanîkê

·         2 karmendên parastina sivîlan a Xelîfanê

·         2 Pêşmergeyên Hêzên 70yî

·         3 kes û polîsek di bombebarana Taslûcê ya li Silêmaniyê

Di nav birîndaran de 18 sivîl, Pêşmergeyên partiyên Rojhilatê Kurdistanê û 5 leşkerên Fransiz ên li Hewlêrê jî hene.

 

Rudaw