Yekitiya odeyên bazirganî û pîşesaziya Kurdistanê: Rewşa dergehên sînorî normal bûye
Berdevkê yekitiya odeyên bazirganî û pîşesazî ya Herêma Kurdistanê, Karwan Sûrçî ji BasNewsê re got, rewşa dergehên sînorî yên Herêma Kurdistanê bi welatên cîran re mîna dema belavbûna vîrusa Koronayê nîne û normal bûye û çalakiyên bazirganî jî didomin.
Karwan Sûrçî her wiha got, rojane tişt û pêdiviyên rojane ji dergehên sînorî re derbasî Kurdistanê tên kirin. Yanê ti kêmasî û tengaviyek di vî warî de nîne.
Li ser giranbûna nirxa tiştan jî Karwan Sûrçî got, me bername daniye em bi bazirganan re bicivin da ku ti kes û bazirganek di meha Remezanê de nirxa tiştan giran neke. Kî wê yekê bike dê were sizadan.
Bi gotina berdevkê yekitiya odeyên bazirganî û pîşesaziyê, kirîza ku ji ber neşandina mûçeyê Kurdistanê ji aliyê Bexdayê ve derketiye, bandorê li ser çalakiyên bazirganî nake.
Basnews
