Rêxistina Tenduristiya Cîhanî (WHO) dibêje bi bilindbûna pileya germê ve şewba vîrusa korona jinavnaçe û ji ber wê jî pêwîstî bi xweparastinê heye.

Malpera RTya Rûsî belav kir, WHO di daxuyaniyekî ku tora civakî ya twitterê de ragehandiye, xwe dayîn ber taw û rojê û bilindbûna germê ya ser 25 dereceyê nabe alîkar ku mirov ber vîrusa korona nekeve.

Li gor WHOyê eger pileya germê bilind bibe û berdewam roj û hetaw hebe jî dîsa metirsiya berketina wê şewbê bo mirov her heye. Ji ber wê xweparastin pêwîste berdewam be û dest şûştin û herwaha dest li çav û difnê neyê dayîn û ji qerebalixê dûr ketin, li gel vê jî her kesekî ber wê vîrusê ket, nayê wê wateyê ku heta heta her nexwaşe.

Basnews