Raspêrdeyê bi pêkanîna kabîneya nû ya Hikûmeta Iraqê Mustefa Kazimî peyamek bi sê zimanên Îngilîzî, Erebî û Kurdî belav kir û soza karkirina bo çareserkirina qeyranan dide.

Mustefa Kazimî li hejmara xwe ya tora civakî “Twitter” bi zimanê Kurdî nivîsî: Bi raspardina min bi erkê Serokê Hikûmeta Iraqê, soz li hember gelê me yê bexşande didim, kar ji bo pêkanîna hikûmetekê dikin, ku daxwazên Iraqiyan bixe pêşîneya karên xwe û serweriya welat û mafan biparêze û kar ji bo çareserkirina qeyranan û pêşvebirina aboriyê bike.

Îro piştî Ednan El Zurfî dest ji pêkanîna kabîneya nû ya Hikûmeta Iraqê vekişand, Mustefa Kazimî bi fermî ji aliyê Serokomarê Iraqê Berhem Salih bi wî erkî hat raspardin.

Hêzên Şîe, Sune û Kurd piştevaniyê li Mustefa Kazimî dikin û Serokê Hikûmeta Herêma Kurdistanê Mesrûr Barzanî di pêwendiyeke telefonî de, piştevaniya xwe ji Kazimî re ragihand.