Li Îtalyayê hejmara kesên bi vîrûsa Koronayê ketine 21 hezar derbas kir û heta niha hezar û 441 kesan ‎canê xwe ji dest dane û hezar û 966 kes jî baş bûne.‎

Serokê Komisyona Vîrûsa Koronayê li Îtalyayê Angelo Borrelli di civîneke çapemeniyê de ragihand ku ‎roja Şemiyê li Îtalyayê 527 kes ji vîrûsa Koronayê rizgar bûne û 175 kesan jî canê xwe ji dest dane.‎

Borrelli got, heta niha li Îtalyayê 21 hezar û 157 kes bi vîrûsa Koronayê ketine, ji wê hejmarê hezar û 966 ‎kes baş bûne û hezar û 518 kes jî li malên xwe hatine varêzkirin.‎

Angelo Borrelli, Serokê Komisyona Vîrûsa Koronayê li Îtalyayê, dibêje, “Em ji hejmara wan kesan destpê bikin ku baş bûne, îro me navên 527 kesên baş bûne tomar kirin, ‎hejmara giştî digihe hezar û 966 kesan. Herwiha 2 hezar û 795 kesên me hene ku nû pê ketine, niha ‎hejmara giştî ya wan kesên bi vê vîrûsê ketine, 17 hezar û 750 kes in, hezar û 518 kes li malên xwe ne, ‎ji sedî 10ê bi vîrûsê ketine di jêr çavdêriya hûr de ne, hejmara wan kesan jî ku mirine 175 kes in.”

Rudaw