Li Çînê hejmara kesên bi Koronayê canê xwe ji dest dane gihişt 3 hezar û 193 kesan.

Li gor daxuyaniya Komîsyona Tendirustiya Niştimanî ya Çînê, di maweyê 24 demjimêran de li wî welatî, 13 kesan canê xwe ji dest dane û 11 haletên tûşbûna bi Koronayê hatine tomarkirin.

Li seranserê Çînê, heta niha bi giştî 3 hezar û 193 kesan canê xwe ji dest dane û 80 hezar û 824 kes jî tûşî Koronayê bûne ku rewşa 3 hezar û 610 ji wan giran e.

Her li gor amarên hatine belavkirin, 115 kes guman li ser heye tûşî Koronayê bûbin, 10 hezar û 879 kes di bin çavdêriyê de ne û 65 hezar û 541 kes jî çareseriya wan hatiye kirin û çak bûne.

Vîrusa Koronayê ku niha bi awayekî bi lez li cîhanê belav dibe, yekem car li bajarê Wuhan ê ser bi eyaleta Hubey a Çînê serî hildabû.

Herwiha Rêxistina Tendirustiya Cîhanî ragihandibû ku vîrusa Koronayê nexweşiyeke pandemîk e.

Rudaw