Amerîka dest bi bicîhanîna rêkeftina li gel Tevgera Talîban a Afganîstanê dike û leşkerên xwe ji wî welatî dikşîne.

Artêşa Amerîkayê ragehand, roja 09.03.2020ê dest bi proseya vekêşandina 8.600 leşkeran kiriye û prose jî dê 135 rojan berdewam be.

Fermandarê leşkerî yê artêşa Amerîkayê Sonny Leggett bi beyanameyekî ragehand, beşek ji leşkerên Amerîkayê bi hemû çek û pêdiviyên xwe ve bo şerê dijî rêxistinên terorîstî yên El – Qaîde û DAIŞê li Afganîstanê dê bimînin.

Roja 29.02.2020ê nûnerên Talîban û Amerîkayê li Doha ya paytexta Qeterê rêkeftina ragirtina şer îmza kirin.

Li gor wê rêkeftinê Amerîka û hêzên hevpeyman di heyama 135 rojan de 8.600 leşkeran dê ji Afganîstanê vekêşin.

Basnews