Serokê Hikûmeta Herêma Kurdistanê bi helkefta hatina serê sala Êzîdiyan pîrozbahiyê li Êzidiyên Kurdistanê û cîhanê dike, herwesa hêvîdar e cejneke xweş û pirî şayî derbaz bikin.

Serokê Hikûmeta Herêma Kurdistanê Mesrûr Barzanî îro (Sêşem, 15.04.2025) peyameke pîrozkirinê arasteyî Êzidiyan kir.

Ev jî peyama Serokwezîr Mesrûr Barzanî ye:

Ez sersala Êzîdiyan li tevaya xûşk û birayên Êzidî li Kurdistanê û cîhanê pîroz dikim. Ez hîvîdar im cejneka xweş û pirr şadî biborînin.

Em wek herdem piştevaniya maf û daxwaziyên xûşk û birayên Êzidî dikin û em li ser bizavên xwe berdewam in, da ku rewşa Şingalê dîsa asayî bibe û avedan bibe û awareyên wê deverê bi serbilindî vegerin ser wargehên xwe.

Sersala Êzidîyan pîroz be û herdem di aştî û saxlemiyê da bin.

 

Mesrûr Barzanî 

Serokê hikûmeta Herêma Kurdistanê

 

K24