Rêvebirê Wezareta Petrolê ya Iraqê ragihand, di qonaxa yekem de 185 hezar bermîl petrol ji Herêma Kurdistanê û di paşerojê de jî 400 hezar bermîl petrol ji Herêma Kurdistanê tê hinardekirin.

Navborî û ajansa nûçeyan a Iraqê “Wah” ragehandiye: “Rawestandina petrolê di dema borî de bûye sedema pirsgirêkan li bîrên petrolê yên li herêmê, ku ev jî pêwîstî bi çêkirin û nûjenkirinê heye, ji bo ku rojane bigihêje 400 hezar bermîlan, ku ew rêjeya herî kêm e ku li gor yasaya bûdceyê hatiye diyarkirin.”

Herwaha dibêje: “Herêma Kurdistanê rojane hêza wê ya berhemanîna 300 hezar bermîl heye, ku beşeke wê bo bikarbirina  navxweyî ye û 185 hezar bermîl bo hinardekirina derve dimîne.”

Herwaha ragehandiye: “Hewlêr û Bexda li ser komîteyên hevbeş ji bo lêkolînkirina mekanîzmayên berdewamkirina hinartina petrolê ji bo dubare destpêkirina proseyê li hev kirin. Ji bo wê jî tîma teknîkî ya Şîrketa Petrola Bakur û nûnerên Herêma Kurdistanê ji bo kontrolkirina boriyan kar dikin daku ti pirsgirêk di boriyan de nebin.”

 

 

Basnews