Îskenderûn di bin avê de ma
Li navçeya Îskenderûnê ya ser bi parêzgeha Hatayê ya Tirkiyê ve, asta ava Deryaya Spî bilind bû û bû sedema lehiyê. Di encam de tax û kolanên nêzîkî peravê di bin avê de man.
Piştî erdheja 6ê Sibatê ku zirarek mezin gihand navçeyê, vê carê jî bayê başûr (lodos) li Îskenderûnê da û bû sedema lehiyê. Li Îskenderûnê duh 18ê Hezîranê bayê başûr (lodos) rabû û ji ber vê yekê asta ava Deryaya Spî li peravên Îskenderûnê bilind bû.
Ji ber bilindbûna asta ava Deryaya Spî, tax û kolanên nêzîkî peravê di bin avê de man.
Herwiha Kolana Ataturk a bajêr jî di bin avê de ma.
Ji ber avê çûn û hatina otombîlan li hin tax û kolanên bajêr rawestiya û welatî rastî gelek pirsgirêkan bûn.
Rudaw
