Malpera fermî ya Parlamentoya Kurdistanê daxuyaniyek belav kir û amaje bi wê yekê kir ku bi dengê 58 parlamenteran ve Komîsyona Helbijartinê hatiye çalak kirin.

Îro 22.05.2023yê malpera fermî ya Parlamentoya Kurdistanê daxuyaniyek belav kir û ragehand: ‘’Îro bi serokatiya Seroka Parlamentoya Kurdistanê Dr. Rêwaz Fayeq û bi amadebûna Cîgirê Serokê Parlamentoyê Dr. Hêmin Hewramî û Sekretera Parlamentoyê Muna Nebî Qehweçî ve rûniştina hejmara 4 a asayî ya dema biharê ya sala pêncem birêve çû.’’

Hat ragehandin, destpêkê Seroka Parlamentoya Kurdistanê Dr. Rêwaz Fayeq bi navê xwedê û gelê Kurdistanê rûniştin vekir û biryara paşxistina rûniştinê bo demekî din bi paşxist.

Li gor heman daxuyaniyê hat gotin: Piştre Cîgirê Serokê Parlamentoyê Dr. Hêmin Hewramî serokatiya rûniştinê girte stûyê xwe û bi xistina dengdanê ve rûniştin da berdewam kirin û her bi dengdanê jî bihevguhertina di rêzbendiya xalên bernameya karê rûniştinê hate kirin û bi wî awayî jî xala yekem a bernameya kar ji aliyê Dr. Hêmin Hewramî ve çalak kirina encûmena komîsyonê xiste dengdanê û bi dengên 58 parlamenteran ve hate pejirandin û piştre navê birêzan Elî Salih Mehmûd û Kameran Neşet Bekir wek du berbijêrên ji bo endamtiya encûmena komîsyonê xiste dengdanê û bi dengên 58 parlamenteran ve hate pejirandin û bi wî awayî dawî bi rûniştinê hat.

 

Basnews