Serokwezîrê Îraqê li gel Mîrê Êzidiyan civiya
Behsa rewşa Şingal û Êzidiyan hate kirin.
Îro li Mûsilê Serokwezîrê Îraqê Mihemed Sûdanî pêşwaziya şandeke Êzidiyan ya bi Serokatiya Mîrê Êzidiyan Hazim Tehsîn Beg kir.
Di civînê de behsa rewşa Şingalê û awedan kirina Şingalê hate kirin û Serokwezîrê Îraqê Mihemed Sûdanî jî tekez li ser piştîvanî kirin ji maf û daxwazên Êzidiyan û tevahiya pêkhateyên din yên deverê kir.
Sûdanî herwiha eşkere kiriye ku, hikûmeta wî hewl bo afirandina derfetên baş û goncaw bo vegerandina awareyên Êzidî bo ser mal û warên wan dike.
