Dîroknas û lêkolînerekî kurd dibêje, eger daxwaza jinûve aktîvkirina Komîteya Bilind a maddeya 140 were kirin, piştî 16ê cotmehê rakirina bermahiyan 10 sal derbas dibe.

Hikûmeta Herêma Kurdistanê ji nû ve aktîvkirina Komîteya Bilind a madeya 140 a Destûra Iraqê ragihand, ku beriya niha di rojeva kabîneya nehemîn de bû û Hevpeymaniya Rêveberiya Dewletê jî îmze kiribû.

Dîroknas û lêkolînerê Kerkûkê Dr.Cebar Qadir ku niha li Ewropayê dijî, li ser rûpela xwe ya facebookê got: “Dibêjin komîta madeya 140 vejandiye. Ev komîte dê 10 salan bidome ji bo rakirina encamên kampanyaya erebkirina piştî 16ê Cotmeha 2017an, eger daxwazek wiha hebe. Erebkirina serdemên berê wê bibe dîrok.”

Di 16ê Cotmeha 2017an de YNKê bi milîsên Îranî û hikûmeta Iraqê ya wê demê ya ser bi Îranê ve rêkeftinek îmze kir û di çarçoveya rêkeftinê de, di 16ê Cotmeha 2017ê de hêzên xwe ji çend eniyan vekişand û Kerkûk û herêmeke berfireh ji Kurdistanê ket bin dagirkeriya milisan. Ev kiryara  YNKê di nav gelê kurd de wek xiyaneta 16ê Cotmehê tê naskirin.

Piştî xiyanetê, cîgirê parêzgarê Kerkûkê Rakan Cibûrî bi piştevaniya grûpên nav YNKê û şovenîstên her du pêkhateyên ereb û tirkmen, dest bi parêzgariya Kerkûkê kir. Hikûmeta Herêmê, pêvajo bi awayên cuda tê hîskirin.

 

Basnews