Serokê Herêma Kurdistanê Nêçîrvan Barzanî bi helkefta cejna Qiyame peyamek pîrozbahiyêbelav kir.

Serokê Herêma Kurdistanê Nêçîrvan Barzanî bi peyamekê cejna Qiyame li mesîhiyên Kurdistanê pîroz kir. Peyama wî wiha ye:

Hatina cejna Qiyame ya hezretî Mesîh (Silavên Xwedê lê bin) bi germî û ji dil li tevaya xûşk û birayên me yên Mesîhiyên li Kurdistan, Iraq û cîhanê pîroz dikim. Ez hêvîdar im ku ev cejne xweşî û bexteweriyê bi xwe ra bîne, aramî û aştî perên xwe bi ser mirovatiyê de rakêşe û hemû vê cejn û bihnvedanan bi aramî derbas bikin.

Bi vê helkeftê, em tekîdê li ser parastina kultûra pêkvejiyan û lêborînê ya di navbera tevahiya pêkhatên olî û neteweyî yên Kurdistan û Iraqê de dikîn ku dîroka hevbeş me bi hev re girê dide.

Em bi rêz li berhevî, rol û pêgeha xûşk û birayên xwe yên Mesîhî dinêrin ku wek pêkhateka dêrîn û resen a civaka Kurdistan û Iraqê bi dirêjahiya dîrokê beşdariyeka çalak di binyatnan, parastin û pêşvebirina welat da heye

Em hêvîdar in ku cejn û helkeftên bê di rewşeke baştir de pîroz bikîn û em hemû, bi hemû pêkhateyan ve, dest li nav dest, wek bira û yekrêz, bi berpirsiyariya hevbeş, bi hev re ji bona niha û paşerojeka baştir ji bo gel û welatê xwe kar bikîn û bi hêvî û umêd ve li paşerojê binêrîn.

Cejna Qiyame li hemûyan pîroz be, hemû sal bi xêr û xweşî be.

 

basnews